Arde Lucus 2009

Un ano máis Lugo fai unha viaxe ao pasado e achega a todas e todos os que a visiten ao que foi a historia romana da cidade.
Un pasado glorioso que nos deixou un dos nosos emblemas máis representativos: a Muralla.

Unha cidade que se moderniza e avanza sen esquecer o espíritu que a veu nacer. Lugo avanza co tempo respectando a súa historia e enorgullecéndose dela.

Lucus Augusti renace a fin de semana do 26,27 e 28 de xuño grazas á celebración da festa de Arde Lucus. A cidade abre as súas portas a todas as persoas que desexen compartir con nós esta festa.

Benvidos a Lucus Augusti. Participade con nós nesta historia marabillosa que nos sitúa de novo no século III, e deixade voar a vosa imaxinación formando parte do Imperio.

Ave amigos!

José López Orozco
Alcalde de Lugo

PROGRAMA COMPLETO: ardelucus.com